Die Sünne schint joa öwerall,

´t es kloar, man blouß an´n Doage.

Dat es bi us an´n schüönsten es,

Dat es goar keine Froage

Wou schint woll in´r ganzen Welt

Die leiwe Sünne heller?

Wou hewwet olle wi sou leiw

Use Wiäserbarge un Feller!

Kieck usen Wauld, dei Barge an,

Use Eicken un die Beucken;

Dat diu sou´n Land eis weer sühst,

Doa kannste lange säucken!

Jao, use leiwe westfölscket Land

Höllt Godd in sienen Hännen

Un wat äuck jümmer komen mag,

Hei werd´t tom Besten wennen.

Wenn use Landslüe biutn sind,

Wou geer komt sei woll trügge

Un freut sick wenn se die Porta seiht

Un dei äole Wiäserbrügge.

Jo, dei äole Wiäserbrügge, dat es mol wäsen. Dä es nich mehr doar. Am Enne det schlimmen Krieges häbbet use eigenen Soldoten dä Brügge kaputtmaket, hebbet se sprenget, und dann lach se inne Wiäser un use schöne Porta süht nun nich mehr so schön ut un olle Barkser Lüe sind traurig.